ଓଡ଼ିଶାରେ ହଠାତ ଏତିକି ହୋଇଗଲା ସୁନା ଦର ।

ରାଜଧାନୀ ସମେତ ରାଜ୍ୟର ବିଭିନ୍ନ ସହରରେ ସୁନା ଦରରେ ଏକ ବଡ଼ ଧରଣର ବୃଦ୍ଧି ଘଟିଛି। ବିଶେଷ କରି କେନ୍ଦ୍ର ସରକାର ସୁନା ଅଳଙ୍କାର ପ୍ରସ୍ତୁତିରେ ବ୍ୟବହୃତ ହେଉଥିବା କିଛି ସାମଗ୍ରୀ (Findings) ଉପରେ ୫% ଆମଦାନୀ ଶୁଳ୍କ ଲାଗୁ କରିବା ପରେ ବଜାରରେ ଏହାର ପ୍ରଭାବ ସ୍ପଷ୍ଟ ଦେଖିବାକୁ ମିଳିଛି।

ଆଜିର ବଜାର ଦର:
ଆଜି ଓଡ଼ିଶା ବଜାରରେ ୨୪ କ୍ୟାରେଟ୍ ସୁନା ଦର ପ୍ରତି ୧୦ ଗ୍ରାମ ପିଛା ପ୍ରାୟ ୧,୪୯,୭୮୦ ଟଙ୍କା ଥିବାବେଳେ, ୨୨ କ୍ୟାରେଟ୍ ଅଳଙ୍କାର ସୁନା ଦର ୧,୪୨,୬୫୦ ଟଙ୍କା ପାଖାପାଖି ରହିଛି। ଗତକାଲି ତୁଳନାରେ ଦର ପ୍ରାୟ ୧,୭୦୦ ଟଙ୍କାରୁ ଅଧିକ ବୃଦ୍ଧି ପାଇଥିବା ଜଣାପଡ଼ିଛି।

କାହିଁକି ବଢିଲା ଦର?
ଅର୍ଥ ମନ୍ତ୍ରଣାଳୟର ନୂଆ ନିୟମ ଅନୁଯାୟୀ, ସୁନା ଉପରେ ଶୁଳ୍କ ବଢ଼ାଇ ଦିଆଯାଇଛି। ଏହା ବ୍ୟତୀତ ବିଶ୍ୱ ବଜାରରେ ସୁନାର ଚାହିଦା ବୃଦ୍ଧି ଏବଂ ଟଙ୍କାର ମୂଲ୍ୟରେ ପରିବର୍ତ୍ତନ ମଧ୍ୟ ଦର ବୃଦ୍ଧିର ଅନ୍ୟତମ କାରଣ ବୋଲି ବଜାର ବିଶେଷଜ୍ଞମାନେ ମତ ଦେଇଛନ୍ତି।

ଅବଶ୍ୟ, ଏହି ମୂଲ୍ୟରେ GST ଏବଂ ମେକିଂ ଚାର୍ଜ ଅଲଗା ଭାବେ ଯୋଡ଼ାଯିବ। ତେଣୁ ଗ୍ରାହକମାନେ କିଣିବା ପୂର୍ବରୁ ନିଜ ନିକଟସ୍ଥ ଜୁଏଲାରୀ ଦୋକାନରୁ ସଠିକ୍ ଦର ଯାଞ୍ଚ କରିବାକୁ ପରାମର୍ଶ ଦିଆଯାଇଛି ।